Тӱҥ менюм почаш
идым
Шч Кш Вр Из Кг Шм Рш
            1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30            
2019 ий

8 идым (8 сентябрь) — григориан кечышот почеш идалыкын 251-ше (кужемдыме ийлаште — 252-шо) кечыже. Идалык пытыме марте 114 кече кодеш.

Вуйлымаш

Пайрем да памятный дате-влакТӧрлаташ

  • Российысе сарзе чап кече. Кутузовын армийже француз-влак ваштареш 7 сентябрьыште кредалын гынат, 8 сентябрьыште ты кредалмаш мучашлалтын. Историйыште Бородино кредалмаш манын шыҥдаралт кодын.
  • Финансистын кечыже палемдалтеш.
  • Журналист-влакын суап паша верч ушнымаш кечышт.
  • Калык-влак кокласе тиште - грамотность - пайрем.

ЛӱмгечеТӧрлаташ

Адриан, Наталья, Степан – влак шке лумгечыштым палемдат.

Событий-влакТӧрлаташ

Тугак ончо: Категорий:Идым тылзын 8 кечысе событий-влак

  • 1504 ий — Флоренцийыште кумдан чапланыше скульптор Микеланджелон ыштыме Давид скульптурыжым шогалтыме.
  • 1801 ий — Санкт-Петербург олаште Казанский соборым чоҥаш тӱҥалме.
  • 1941 ий — Лениград олан блокадыже тӱҥалын.
  • 1921 ий — Марий Элысе сарзе комиссариатым почмо.
  • 1922 ий — Марий Элысе архив службым почмо

ШочынытТӧрлаташ

Тугак ончо: Категорий:Идым тылзын 8 кечынже шочшо-влак

  • 1926Пётр Эсеней, марий серызе, драматург, артист, кусарыше, 19411945 ийласе Кугу Ачамланде сарын участникше.
  • 1937 — Аркадий Яковлевич Антипин, Марий Элын сулло туныктыш пашаеҥже, историй шанче кандидат. Кужэҥер кундем Чодраялыште шочын. Марий кугыжаныш педагогик институтым тунем лектын, икмыняр жап политехник институтышто тыршен. 1986-шо ийыште кугыжаныш институтын ректоржылан шогалын да 17 ий ты пашам шуктен шоген. 30 утла шанче пашан авторжо.
  • 1968 — Эльвира Владимировна Большова, балерина да театр пашаеҥ, Марий Элын сулло артисткыже. Медведево посёлкышто шочын. Ленинградысе хореографий училищым тунем лекмек, Марий кугыжаныш опер да балет театрын солисткыже лийын. «Лебединое озеро», «Лесная сказка», «Щелкунчик» балетлаште тӱҥ партийым модын. Россий Федерацийысе финн-угор фестивальын дипломантше.
  • 1961 — Ираида Алексеевна Морозова, спортсменка. Шернур кундем Тамшинер ялыште шочын. Паша корныжо Йошкар-Оласе йоча клуб да «Азимут» турист рӱдер дене кылдалтын. Марафон куржталмаштат, ече дене коштмаштат, пауэрлифтинг денат тиде чолга ӱдырамаш моткоч кугу кӱкшытыш шуын. Ятыр гана рекордым шындыше Марий Элын эн сай спортсменкыже, куштылго атлетик дене спорт мастер, Российын чемпионкыжо.

КоленытТӧрлаташ

Калык палеТӧрлаташ

  • Наталья да Адриянын кечыже. Тиде кечын кугу тӱткышым шӱльылан ойыреныт. Икымше шӱльӧ кылтам пӧртышкӧ пуртеныт да лукыш шогалтеныт. Тумо да куэ лышташ йогаш тӱҥалын огыл гын, шушаш теле чот йӱштӧ лиеш.