22 идым

22 идым (22 сентябрь) — григориан кечышот почеш идалыкын 265-ше (кужемдыме ийлаште — 266-шо) кечыже. Идалык пытыме марте 100 кече кодеш.

Пайрем да памятный дате-влак

• Автомобиль деч посна эртарыме кече палемдалтеш. Кече еда олан корнылаштыже машина-влак шукем толыт. Тиде кечым корнышто ласкалык озаланыже манын шонен луктыныт.

Лӱмгече

• Идым тылзын коло кокымшо кечынже шке лӱмгечыштым Анна ден Иосиф-влак палемдат.

Событий-влак

Тугак ончо: Категорий:Идым тылзын 22 кечысе событий-влак

• 1789 — Суворовын да Кобургскийын армийже Рымник воктене турок-влакым кырен шалатеныт.
• 1962 — США-н президентше Авраам Линкольн у ий икымше январь гыч чыла кул-влакым эрыкыш колтымо нерген увертарен.
• 1935 — Совет Ушем Маршал званийым пеҥгыдемдыме.

Шочыныт

Тугак ончо: Категорий:Идым тылзын 22 кечынже шочшо-влак'

• 1927 — Виктор Дмитриевич Бурлаков, марий калыкын моткочак пагалыме да аклыме актёр, Россий Федерацийын Калык артистше. Советский кундем Лайсолан эргыже ойырен налме профессийже дене шинчымашым М. Шкетан лӱмеш Марий кугыжаныш драме театр пеленсе студийыште налын да пел курым тыштак пашам ыштен. Чолга койышан, сылне йӱкан, весела гармонь кумылан артист калыкын чонжым рольым устан чоҥымыж дене савырен. Арбанын «Кеҥеж йӱдысӧ» Марка кумым, Николаевын «Саликасе» Ози Кузим модын. Тӱрлӧ койыш-шоктышан герой-влакым модаш, чынжымак, кугу мастарлык да талант кӱлын.
• 1940 — Иван Михайлович Соловьёв, туныктыш да шанче пашаеҥ, Марий Элын сулло туныктыш пашаеҥже. Шочынжо тудо Звенигово кундем Исменца селаште. Кӱшыл шинчымашым Марий кугыжаныш педагогик институтышто налын да тыштак шке паша вержым муын. 15 ий историй да филологий факультетын деканже лийын. Тӱҥ шотышто Иван Михайлович кундемнан историйжым шымлен – ятыр шанче пашам савыктен. Историй шанче кандидат.
• 1960 — Валерий Абукаев, марий серызе, журналист, драматург. Вес кумдан палыме серызе Вячеслав Абукаев-Эмгакын шольыжо.
• 1964 — Виктор Иванович Комаров, гармоньчо, муро-влакым возышо, мурызо, мыскараче. «Ау», «Ну мо вара», «Колхоз» муро-влакын авторжо. Шочынжо мурызо У Роҥго кундем Кельмаксолаште.

Коленыт

Тугак ончо: Категорий:Идым тылзын 22 кечынже колышо-влак

• 1943 — Василий Элмар, серызе, почеламутчо, кусарыше, туныктышо, СССР Серызе-влак ушемын йыжеҥже (1941), 1941–1945 ийласе Кугу Ачамланде сарын участникше.

Калык пале

Аким ден Аннан кечыже. Нуно Шнуй Шочынаван ача-аваже лийыныт. Йочам ышташ шонышо-влак Аким ден Анна деч икшывым йодын кумалыныт. А кöн икшывывже уло – тудлан тазалыкым йодыныт.

	22 идым Викиклатыште?