28 сӱрем

28 сӱрем (28 июль) – григориан кечышот почеш идалыкын 209-ше (кужемдыме ийлаште – 210-шо) кечыже. Идалык пытыме марте 156 кече кодеш.

Пайрем да памятный дате-влак

• Перу – Эрыкан лийыме кече.
• Россий – Русьым тынеш пуртымо кече.
• Сан-Марино – День победы над фашизмом.
• Украина – Киевысе Русьым тынеш пуртымо кече.
• Россий – PR-специалистын кечыже.

Лӱмгече

• Танле (православный) лӱм-влак:
  • Авудим – мученик Авудим Тенедосский
  • Василий – равноапостольный великий князь Владимир (тынеш пуртымо лӱм).
  • Владимир:
    • Равноапостольный великий князь Владимир.
    • Князь ржевский Владимир
  • Иустиниан (Юстиниан)  – император Юстиниан II.
  • Кирик (Кириак), (Кирьяк) – мученик Кирик.
  • Лоллиан – мученик Лоллиан.
  • Пётр – священномученик Пётр (Троицкий).
  • Агриппина – княгина ржевская Агриппина.
  • Иулитта (Юлитта, Улита) – мученица Иулитта.
  • Матрона – Матрона Хиосскаян мощи-жым налме кече.

Событий-влак

Тугак ончо: Категорий:Сӱрем тылзын 28 кечысе событий-влак

• 1585 – Америка гыч Английыш икымше гана пареҥгым конденыт. Тидын деч вара тудо Западыште шарлен да жап эртыме семын мемнан декат толын шуын.
• 1914 – Икымше тӱнямбал сар тӱҥалын.
• 1917 – Пӱтынь Российысе Марий калыкын икымше Погынжо тӱҥалын.
• 1958 – Моско олаште поэт Владимир Маяковскийын чапкӱжым почмо.

Шочыныт

Тугак ончо: Категорий:Сӱрем тылзын 28 кечынже шочшо-влак

• 1947 – Леонид Ксенофонтович Бабин, Маскасола кундем Шеклянур ялыште Марий Эл Республикысе ял озанлыкын сулло пашаеҥже. Ончыч паша корныжо Медведево, Советский, Куженер кундемласе тӱрлӧ ушемлаште эртен. 1990-ше ийыште кресаньык озанлыкын вуйлатышыжлан шогалын, а 4 ий гыч Советский кундемыште «Шокта» ушемын вуйлатышыже лийын. Тыгак 1996-2000-шӧ ийлаште кугыжаныш погынын депутатше сомылым шуктен.
• 1947 – Владимир Николаевич Савельев, скульптор. Шкеже Йошкар-Ола гыч. Заводышто икмыняр ий тыршыме деч вара Озаҥысе епархийын Раиф монастырьышке каен да умбакыжат сымыктыш пашаште шуаралтын. Аркадий Крупняковысе, Олык Ипайысе портрет-влакын, ятыр композицийын да медальын авторжо. Ончерже-влак Российысе олалаштат, йот эллаштат эртеныт.
• 1947 – Светлана Романовна Трохимец, Курыкмарий кундем Климансолаште тазалык аралтыш пашаеҥ, Марий Эл Республикын сулло эмлызыже. Смоленскысе мединститутым тунем лекмеке, Йошкар-Оласе йоча эмлымверыште интернатурым эртен да 4 ий «Кече» лӱман санаторийын тӱҥ эмлызыже лийын. Вара Медведевысе тӱҥ эмлыме верышке куснен: 1994-ше ий гыч вуйлатышыже.
• 1954 – Раиса Михайловна Данилова, марий мурызо, журналист, радиовӱдышӧ.

Коленыт

Тугак ончо: Категорий:Сӱрем тылзын 28 кечынже колышо-влак

• 1956 – Илья Ломберский, марий серызе, туныктышо, СССР Серызе-влак ушемын йыжъеҥже (1935), Удмурт АССР-ын сулло туныктышыжо (1955).

Калык пале

• Кирик ден Улитан кечыже. Ты кечым поснак ӱдырамаш-влак вученыт. Нунын шонымышт почеш, Улита ӱдырамаш-влаклан вийым ешара, йочаштлан тазалыкым пӧлекла.

	28 сӱрем Викиклатыште?